مەودا میدیا-

روانگەی سوریا بۆ مافەکانی مرۆڤ سەبارەت بە بەردەوامی تووندوتیژییەکان و ژمارەی ئەو كەسانەی لە دوای رووخانی رژێمی پێشووی سوریا کوژراون راگەیەندراوێكی بڵاوكردەوە.

روانگەی سوریا بۆ مافەکانی مرۆڤ رایگەیاند "دوای رووخانی دەسەڵاتی بەشار ئەسەد، 10 هەزار و 955 کەس لە سوریا لە ئەنجامی تووندوتیژییەکان و پاکتاوکردنی نەژادیی کوژراون".

ئاماژەی بۆ ئەوەشکرد "سێ هەزار و 54 کەس بە شێوەیەکی مەیدانی کوژراون و لەو ژمارەیە 463 یان منداڵ و 636 كەسی تر لە کوژراوەکان ژن بوون".

ئەوەشی خستەڕوو " نەبوونی لێپرسینەوە لە چەكدارانی دیمەشق، هۆکارێکی گەورەیە بۆ دوووبارەبوونەوەی کۆمەڵکوژیی و تاوانەکانی کوشتن و رفاندن و پاکتاوی نەژادیی لە سوریا".

ب ح