مه‌ودا میدیا-

میدیاكانى رۆژئاواى كوردستان له‌ زارى چه‌ند سه‌رچاوه‌یه‌كى سه‌ربازیی بڵاویانكرده‌وه‌، ئه‌مه‌ریكا سیستمى به‌رگریی له‌ رۆژئاواى كوردستان جێگیركردووه‌.

سەرچاوە خۆجەییەکان باس لە هاتنی کاروانێکی نوێ لە ئامێرى سەربازیی و لۆجستیکی هاوپەیمانی نێودەوڵەتیی بۆ بنکەی قەسرەک لە باکووری حەسەکە ده‌كه‌ن، ئەو کاروانە پێكهاتووه‌ لە 20 بارهەڵگر، ئامێریى سەربازی، سیستەمی پشتیوانی، سوتەمەنی و ئۆتۆمبێلی زرێپۆش کە لە هەرێمی کوردستانەوە هاتووەتە نێو خاکی سوریا".

باس له‌وه‌شكراوه‌ "ئەو كاروانه‌ لە چوارچێوەی هەوڵی بەردەوامی هاوپەیمانی نێودەوڵەتیی بۆ تۆکمەکردنەوەی بوون و ژێرخانە سەربازیەکانی خۆیان لە باکووری رۆژهەڵاتی سوریا نێردراوە".

له‌ لایه‌كى تریشه‌وه‌ چاودێری مافی مرۆڤی سوریا بڵاویكرده‌وه‌ "فڕۆکەیەکی باری ئەمه‌ریکی لە هەرێمی کوردستانەوە كاروانێكى لە سیستەمی بەرگریی ئاسمانی، مووشەک، راداری پێشکەوتوو و ئامێرى لۆجستیکی بۆ بنکەی قه‌سرەک گواستبووەوە كه‌ لەلایەن دوو کۆپتەر و شەڕکەرێکەوە پاسەوانی دەکرا".

ع