مەودا میدیا-
بەپێی پێشبینی شارەزایانی كەشناسی ئەمڕۆ و سبەی پلەكانی گەرما لە نێوان چوار بۆ پێنج پلە دادەبەزێت و لە چەند ناوچەیەكیش ئەگەری بارانبارین هەیە. 

پشتیوان پێنجوێنی، شارەزای كەشناسی بە مەودا میدیای راگەیاند"ئەمڕۆ سێشەممە 25/11/2025 ، بەهۆی هاتنی بارستە هەوایەكی سارد بۆ ناوچەكانی هەرێمی كوردستان پلەكانی گەرما بەراورد بە رۆژانی رابردوو بە رێژەی چوار بۆ پێنج پلەی سیلیزی نزم دەبنەوە". 

وتیشی"رۆژی چوارشەممە 26/11/2025 ، لە هەرێمی كوردستان ئاسمان نیمچە هەور و هەوری نزم دەبێت و كەشێكی ساردی زستانە دەبێت". 

ئاماژەی بۆ ئەوەش كرد"پێشبینی دەكەن رۆژی چوار شەممە لە بەشێكی ناوچەكانی هەرێمی كوردستان لەگەڵ ئەوەی كە كەشێكی ساردی دەبێت بارانیش ببارێت، بەڵام بارانەكە هەموو ناوچەكان ناگرێتەوە". 
ئ پ