مەودا میدیا-

ئەنجومەنی باڵای دادوەریی عیراق ئامارێکی نوێی گرێبەستی هاوسەرگیریی و حاڵەتەکانی جیابوونەوە بڵاوکردەوە کە زۆرترین جیابوونەوە لە بەغدا تۆمارکراوە.

ئەنجومەنی باڵای دادوەریی عیراق رایگەیاند "مانگی رابردوو 34 هەزار و 617 گرێبەستی هاوسەرگیری و حەوت هەزار و 470 حاڵەتی جیابوونەوە تۆمارکراوە".

ئاماژەی بۆ ئەوەشکرد "زۆرترین گرێبەستی هاوسەرگیری لە دادگای تێهەڵچوونەوەی رەسافەی بەغدا تۆمارکراوە کە پێنج هەزار و 139 گرێبەست بووە".

ئەوەشی خستەڕوو " زۆرترین حاڵەتی جیابوونەوەش لەدادگای تێهەڵچوونەوەی رەسافە بووە لە بەغدا کە هەزار و 503 کەیسی جیابوونەوە بووە".

ب ح