مەودا میدیا-

کونسوڵخانەی ئەمەریکا لە هەولێر سەبارەت بە هێرشی سەر کێڵگەی غازی کۆرمۆر  ئاشکرایکرد بە تووندی ئیدانەی هێرشی تیرۆرستی بۆ سەر کێڵگەی گازی کۆرمۆر لە پارێزگای سلێمانی دەکەن".

کونسوڵخانەی ئەمەریکا لە هەولێر  رایگەیاند " پێکەوە لەگەڵ حکومەتی هەرێمی کوردستان و هاوبەشانی تری عیراقی داوای هەنگاوی کرداریی دەستبەجێ لە حکومەتی عێیاق دەکەن بۆ لێپرسینەوە لە ئەنجامدەرانی ئەم هێرشە تیرۆرستییە بکات".

ئاماژەی بۆ ئەوەشکرد  "ئەنجامدەرانی ئەم هێرشە بریتییە لە دواهەمینی ئەو زنجیرە هەوڵانەی خراپەکاران ئەنجامیانداوە بۆ لاوازکردنی سەقامگیریی عیراق و بەئامانجگرتنی وەبەرهێنانی ئەمەریکی لە هەرێمی کوردستان".

ئەوەشی خستەڕوو " ئامادەن پشتیوانی پێشکەش بکەین بۆ هەوڵەکانی پاراستنی ئەم ژێرخانە گرنگە و بەردەوام دەبن لە جەختکردنەوە لە گرنگیی ئەوەی عیراق سەروەریی خۆی بچەسپێنێت لە بەرانبەر ئەو هەوڵانەی ئەنجام دەدرێن بۆ لاوازکردنی و دڵنیایی بدات لەوەی گشت جۆرەکانی چەک، بە تایبەت درۆن و موشەک و ڕۆکێت دەهێنرێنە ژێر کۆنترۆڵی دەوڵەت".

ب ح