مەودا میدیا-
دوای هێرشەكەی سەر كێڵگەی غازی كۆرمۆر، وەزارەتی كارەبا لەگەڵ وەزارەتی سامانە سروشتییەكان و لایەنە پەیوەندارەكان لە هەوڵدان بۆ چارەسەركردنی كێشەی كارەبا و بڕیارە ئەمڕۆ كارەبا بگەڕێتەوە دۆخی ئاسایی. 

ئومێد ئەحمەد، بەڕێوەبەری كۆنترۆڵی كارەبای هەرێمی كوردستان رایگەیاند" ئەو هێرشەی كە كرایە سەر كێڵگەی غازی كۆرمۆر كاریگەری گەورەی هەبوو لەسەر بڕی بەرهەمهێنانی كارەبا، چونكە رۆژانە زیاتر لە 530 ملیۆن پێ سێجا غازمان لەو كێڵگەیە وەردەگرت". 

وتیشی"هەرچەندە دوای هێرشەكە پێدانی كارەبا بە تەواوی تێكچوو، بەڵام هاوڵاتیان دڵنیادەكەینەوە كە تا كۆتایی ئەمڕۆ كارەبا دەگەڕێتەوە دۆخی ئاسایی پێش رووداوەكە".  

ئاماژەی بۆ ئەوەش كرد" لە ئەگەری درێژەكێشانی دۆخەكە و دواكەوتنی گەڕانەوەی غاز بۆ وێستگەكانی بەرهەمهێنانی كارەبا، لەگەڵ تیمی پرۆژەی رووناكی گفتوگۆ دەكەین بۆئەوەی میكانیزمێكی گونجاو دابنێین بۆ كار پێكردنی مۆلیدە ئەهلییەكان". 
ئ پ