مەودا میدیا-
بەهۆی نەبردنی كارتی نیشتمانی لەلایەن وارسی شەهیدان و ئەنفالكراوانە بۆ بەڕێوەبەرایەتییەكانی شەهیدان و ئەنفالكراوان لە شارو شارۆچكەكانی هەرێم، مەترسی لەسەر راگرتنی مووچەی بەشێكی زۆریان درووست بووە. 

جەبار عومەر، بەڕێوەبەری گشتی كاروباری شەهیدان و ئەنفالكراوانی گەرمیان بە مەودا میدیای راگەیاند"چەند جارێك وارسی شەهیدان و ئەنفالكراوانیان ئاگاداركردووەتەوە لە هێنانی كارتی نیشتمانی بۆ بەڕێوەبەرایەتییەكەیان، بەڵام بەشێكیان تا ئێستا نەهاتوون بە دەم داواكەیانەوە، بۆیە مووچەی مانگی 9ی ئەو وارسانەیان راگرتووە كە تا ئێستا كارتی نیشتمانییان نەهێناوە". 

وتیشی" هێنانی كارتی نیشتمانی بۆ تەواوكردنی سیستمی پەیرۆڵە كە حكومەتی عیراق داوای كردووە و دواتر ئەوان ناتوانن هیچ كارێكیان بۆ بكەن و مەترسی دەكەوێتە سەر راگرتنی یەكجاری مووچەكانیان ئەگەر هەر نەیهێنن". 

لەلایەكی تریشەوە، ئەحمەد مام رەسووڵ، بەڕێوەبەری گشتیی خزمەتگوزاریی كەسوكاری شەهیدان و زیندانیكراوانی سیاسی لە وەزارەتی كاروباری شەهیدان و ئەنفالكراوان رایگەیاندووە"تا ئێستا نزیكەی 20 هەزار كەس لە وارسی شەهیدان و ئەنفالكراوان كارتی نیشتمانییان نەبردووە بۆ تەواوكردنی مامەڵەكانیان". 
ئ پ