مەودا میدیا-

نوێنەری گشتیی مامۆستایانی گرێبەست ئاشکرایکرد رۆژنی چوارشەممە و پێنجشەممەی ئەم هەفتەیە مووچەی مامۆستایانی گرێبەستی هەردوو وەزارەتی پەروەردە و خوێندنی باڵا دابەش دەکرێت.

عەلی رەئوف، نوێنەری گشتیی مامۆستایانی گرێبەست رایگەیاند "رۆژنی چوارشەممە و پێنجشەممە مووچەی مامۆستایانی گرێبەست بۆ مانگی ئەیلول (9) دابەش دەکرێت".

ئاماژەی بۆ ئەوەشکرد "ژمارەی مامۆستایانی گرێبەستی وەزارەتی پەروەردە لە 37 هەزار و 933 مامۆستا و ژمارەی مامۆستایانی گرێبەستی خوێندنی باڵا چوار هەزار و 100 مامۆستا پێکهاتوون".

ئەوەشی خستەڕوو "کۆی گشتیی ژمارەی مامۆستایانی گرێبەستی هەر دوو وەزارەتی پەروەردە و خوێندنی باڵا42 هەزار و 33 مامۆستایە و ئەوانەی بڕوانامەى دیبلۆمیان هەیە مووچەکانیان 400 هەزار دینارەو  بڕوانامەى بەکالۆریۆس500 هەزار و خەرجیى مانگانەشیان 24 ملیار دینارە زیاتر دەبێت".

ب ح