مەودا میدیا-

 سەرۆکی کۆمەڵەی موەلیدە ئەهلییەکانی سلێمانی ئاشکرایکرد لەلایەن ئیدارەی پارێزگای سلێمانییەوە راسپێردراون لە کاتی نەبوونی کارەبای نیشتمانی، کار بە موەلیدەکانیان بکەن.

عوسمان محەمەد، سەرۆکی کۆمەڵەی موەلیدە ئەهلییەکانی سلێمانی رایگەیاند "تاوەکو ئاسایبوونەوەی دۆخی كارەبای نیشتمانی بەمشێوەیەی ئێستا كار بەموەلیدەكان دەكەن و  لە کاتژمێر (4:00ی عەسر بۆ 12:00ی شەو) کارەبا بە هاوڵاتییان دەدەن".

ئەمە لەکاتێکدایە، ماوەی چەند رۆژێکە بەهۆی هێرشی سەر کێڵگەی غازی کۆرمۆر گرفت بۆ کارەبای نیشتمانی دروستبووە و هاووڵاتییان رۆژانە چەند کاتژمێرێکی کەم کارەبایان پێدەدرێت.

ب ح