مەودا میدیا-

وەزارەتی کارەبای هەرێم ئاشکرایکرد زۆربەی كێشە تەكنییەكانی داناگاز چارەسەر كراوە و هەر کاتێک دەست بە گواستنەوەی گازی سرووشتی بۆ وێستگەکانی کارەبا كرا، هاوڵاتییانی كوردستان ئاگادار دەكەنەوە. 

وەزارەتی کارەبای هەرێم رایگەیاند "ئەمڕۆ تیمێکی هەردوو وەزارەتی سامانە سرووشتییەکان و كارەبا لەگەڵ بەرپرسانی کۆمپانیای داناگاز سەرقاڵی چارەسەرکردنی کێشە تەکنیکییەکانی بەرهەمهێنان بوون".

ئاماژەی بۆ ئەوەشکرد "زۆربەی كێشەكان بەرەو چارەسەرکردن چووە، بۆ ئەوەی بە زووترین کات دەست بە پرۆسەی بەرهەمهێنانی گازی سرووشتی بکرێتەوە بۆ وێستگەكانی بەرهەمهێنانی كارەبا".

ئەوەشی خستەڕوو "هەر بە دەستپێکردنی بەرهەمهێنانی گاز راستەوخۆ بۆ وێستگەکانی کارەبا دەگوازرێتەوە و هاوڵاتییانی کوردستان لە هەر پێشوەچوونێکی پرۆسەکە ئاگادار دەکەنەوە".

ب ح