مەودا میدیا-

ئەندامێکی پەرلەمانی کوردستان سەبارەت بە رووداوەکانی گوندی لاجان لە ناحیەی گوێری سەربە هەولێر پەیامێکی بڵاوکردەوە و ئاشکرایکرد وەڵامی خەڵکانێک کە داوای دەرفەتی کار دەکەن، بە تەقکردن و بریندارکردن یاسا شکێنییە.

عەلی حەمەساڵح، ئەندامی پەرلەمانی کوردستان رایگەیاند "هێنانی هێزی ئەمنی و سەربازیی بۆ سەرکوتکردنی کەسانێک کە داوای دەرفتی کار دەکەن ئاماژەیەکی مەترسیدارە".

ئاماژەی بۆ ئەوەشکرد "چەندین ساڵە نەوت بۆ دەسەڵاتداران بووەتە سەرچاوەی سەدان ملیۆن دۆلار و بۆ خەڵکیش نەگبەتی و نەهامەتی، سەرچاوەی ئەم نەوتەی پاڵاوگەی لاناز کوێیە داهاتەکەی بۆ کێیە؟ خەڵکیش داوای کاربکات بە فیشەک وەڵام دەدرێتەوە".

ب ح