مەودا میدیا-

 نێردەی تایبەتی دۆناڵد ترەمپ، سەرۆكی ئەمەریكا بۆ عیراق ئاشکرایکرد بەغدا  لەبەردەم دووڕیانێكی یەكلاكەرەوەدایە و دەفەتێكی مێژوویی لەبەردەمدایە بۆ ئەوەی ببێتە دەوڵەتی یاسا نەک دەوڵەتی چەک.

مارک ساڤایا، نێردەی تایبەتی دۆناڵد ترەمپ، سەرۆكی ئەمەریكا بۆ عیراق رایگەیاند "هیچ ئابوورییەک گەشە ناكات و هیچ هاوبەشییەکی نێودەوڵەتیش سەرکەوتوو نابێت، لە ژینگەیەکدا کە سیاسەت لەگەڵ دەسەڵاتی نافەرمیدا تێکەڵ بووە".

ئاماژەی بۆ ئەوەشکرد "ئەمڕۆ جیهان عیراق وەک وڵاتێک دەبینێت كە رۆلێكی گەورەتر و کاریگەتر لە ناوچەکەدا بگێڕێت، بەمەرجێك پرسی چەک له دەرەوەی کۆنترۆڵی دەوڵەت به تەواوی چارەسەربکات و شکۆی دامودەزگا فەرمییەکان بپارێزێت".

ئەوەشی خستەڕوو "گرنگە دامەزراندنی پرەنسپی جیاکردنەوەی دەسەڵاتەکان و رێزگرتن لە چوارچێوە دەستوورییەکان و رێگریکردن لەو دەستوەردانانەی کە دەكرێت دروستكردنی بڕیاری سیاسی پەكبخات یان سەربەخۆیی دەوڵەت لاواز بکات".

ب ح