مەودا میدیا-

رۆژنامه‌ی شه‌رق ئه‌لئه‌وسه‌ت بڵاویكرده‌وه‌، لە ئەنجامی تەقەی هێزە ئەمنییەکان لە خۆپیشاندانێکی خەڵکی ناڕەزایی لە دەوربەری پاڵاوگەی نەوتی لاناز لەسەر رێگای باکوروی شاری هەولێر دوو کەس کوژراون و سێ کەسی تریش برینداربوون.

رۆژنامه‌ی شه‌رق ئه‌لئه‌وسه‌ت رایگەیاند  "خۆپیشاندەران داوای هەلی کاریان لە پاڵاوگەکە کردووە و لە کاتی ناڕەزایەتییەکانیاندا، هێزە ئەمنییەکان کە پاسەوانی پاڵاوگەکە دەکەن تەقەیان لە خەڵکی ناڕازیی گوندی لاجان کردووە".

ئەوەشی خستەڕوو "لە ئەنجامی تەقەکردنەکەدا خۆپیشاندەرێک گیانی لەدەستداوە، هەروەها شۆفێری بارهەڵگرێکی گواستنەوەی بەرهەمە نەوتییەکان لەنزیک پاڵاوگەکە بووە گیانی لەدەستداوە".

ئەوەشی خستەڕوو "لای خۆیەوە وەزارەتی ناوخۆی حکومەتی هەرێمی کوردستان رایگەیاندووە " لە ئەنجامی تەقەی کۆمەڵێک (ئاژاوەگێڕ)  لە ناوچەی گوێر کەسێک کوژراوە و چەند کەێکی تریش بریندار بوون".

ب ح