مەودا میدیا-

ئەندامێکی پەرلەمانی کوردستان ئاشکرایکرد حکومەتی هەرێم دەتوانێت کێڵگەی غازی کۆرمۆر وەک کارتی فشار بەرانبەر دابینکردنی مووچە و بودجەی هەرێمی کوردستان بەکاربهێندرێت و رۆڵی هەبێت لە گفتوگۆکانی ساڵی داهاتوو لەگەڵ حکومەتی عیراق.

جوانڕۆ محەمەد، ئەندامی پەرلەمانی کوردستان لە فراکسیۆنی گۆڕان رایگەیاند "هێرشەکەی سەر کۆرمۆر لەسەر ئاستی ناوخۆ و دەرەوە کاردانەوەی تووندی لێکەوتەوە و هەموو هێز و وڵاتانی کۆک و ناکۆک هەڵوێستیان هەبوو".

ئاماژەی بۆ ئەوەشکرد "لەئێستادا غازی کۆرمۆر کارتێکی بەهێزە لە دەستی هەرێمی کوردستان کە لە ماوەی رابردوودا حکومەتی هەرێم هیچ کارتێکی بەهێزی بەرانبەر بەغدا بەدەستەوە نەمابوو کە بووەهۆی نەناردنی مووچە و بڕینی بودجە".

ئەوەشی خستەڕوو "لایەنە عیراقییەکان لە گرنگی کێڵگەی غازی کۆرمۆر تێگەیشتوون، حکومەتی هەرێم دەتوانێت پشتبەستن بە پێگەی کۆرمۆر بڕی فرۆشتنی کارەبا بە عیراق بۆ دوو هەزار و 500 مێگاوات کارەبا بەرزبکاتەوە و رۆڵی لە زیادکردنی داهات هەبێت".

ب ح