مەودا میدیا-

بەڕێوەبەری گشتیی دیوانی وەزارەتی کارەبا ئاشکرایکرد گاز گەیشتووەتە وێستگەکانی کارەبا و ئێستا سێ هەزار و 100 مێگاوات کارەبا بەرهەمدەهێندرێت.

ئەردەلان دۆسکی،بەڕێوەبەری گشتیی دیوانی وەزارەتی کارەبا رایگەیاند "تاوەکو درەنگانی ئەمشەو رێژەکە بەرز دەبێتەوە بۆ چوار هەزار و 200 مێگاوات، بەمەش تەواوی دۆخی کارەبا لە هەرێمی کوردستان ئاسایی دەبێتەوە".

ئاماژەی بۆ ئەوەشکرد "ئەو گەڕەکانەی ئێستا لە هەر چوار پارێزگاکەی هەرێمی کوردستان لەنێو پڕۆژەی رووناکیدان، کارەبای 24 کاتژمێرییان بۆ گەڕاوەتەوەو لەگەڵ زیادبوونی بەرهەمهێنانی گاز دۆخی کارەبا بە تەواوی ئاسایی دەبێتەوە".

ب ح