مەودا میدیا-

ئەمڕۆ به‌رپرسانی ناوخۆ له‌پارێزگای به‌سڕه‌ به‌هۆی تۆماركردنی ژماره‌یه‌ك حاڵه‌تی توشبوون به‌ڤایرۆسی كۆرۆنا بڕیاری داخستنی ته‌واوه‌تی قه‌زای هاریسه‌یانیدا، چونکە به‌ناوچه‌یه‌كی تووشبوو به‌ڤایرۆسی كۆرۆنا داده‌نرێت.

فه‌ریق قاسم نزال، فه‌رمانده‌ی فه‌رمانده‌یی ئۆپراسیۆنه‌ سه‌ربازییه‌كان له‌شاری به‌سڕه‌ له‌ لێدوانێكی رۆژنامه‌نووسیدا رایگه‌یاند "كه‌ قه‌زای هاریسه‌ له‌شاری به‌سڕه‌ به‌ته‌واوه‌تی كه‌ره‌نتینه‌ ده‌كرێت و به‌ناوچه‌یه‌كی تووشبوو به‌ڤایرۆسی كۆرۆنا داده‌نرێت".

ئاشكراشی ده‌كات "كه‌ ئه‌مڕۆ هێزه‌ ئه‌منییه‌كان قه‌زای هاریسه‌یان له‌باكووری به‌سڕه‌  داخستووه‌، دوای ئه‌وه‌ی له‌قه‌زاكه‌ به‌هۆی به‌ریه‌كه‌وتنه‌وه‌ 37 حاڵه‌تی توشبوون به‌ڤایرۆسی كۆرۆنا تۆمار كراون".