مەودا میدیا-

بەڕێوەبەرایەتی گشتیی کەشناسی و بوومەلەرزەزانی هەرێم کەشی پێشبینیکراوی 48 کاتژمێری داهاتووی بڵاوکردەوە

کەشناسیی هەرێم رایگەیاند "ئەمڕۆ ئاسمان هەوری تەواو دەبێت , باران بارین لە باکوور و باکوری رۆژئاوای هەرێم دەستپێدەکات پاشان لە کاتەکانی دوانیوەڕۆ  باران لە زۆربەی ناوچەکان دەبارێت".

ئاماژەی بۆ ئەوەشکرد "هەندێک کات باران لە هەندێک ناوچە بەشێوەی لێزمە باران دەبێت، هەروەها لە ناوچە سنوورییەکان و ناوچە شاخاوییە بەرزەکان بەفر دەبارێت".

ئەوەشی خستەڕوو "سبەینێ ئاسمان بە گشتیی هەور و سارد دەبێت , نمە باران و بارانی مامناوەند بە پچڕپچڕی لە زۆربەی ناوچەکان دەبارێت، پێشبینی دەکرێت رێژەی دابارین لە رۆژهەلات و باکووری رۆژهەلاتی هەرێم  زیاتر بێت بەراورد بە ناوچەکانی تر هەروەها لە ناوچە سنوورییەکان بەفر دەبارێت".

کەشناسی پلەکانی گەرمای لەنێوان شار و ناوچەکاندا بەمشێوەیە خستووەتەڕوو:

هەولێر :13 پلەی سیلیزی
پیرمام: 9 پلەی سیلیزی
سۆران: 5  پلەی سیلیزی 
حاجی ئۆمەران: 2 پلەی سیلیزی 
سلێمانی: 10 پلەی سیلیزی
چەمچەماڵ: 13 پلەی سیلیزی
دهۆک: 11 پلەی سیلیزی
زاخۆ: 10 پلەی سیلیزی 
کەرکوک 14 پلەی سیلیزی
هەڵەبجە : 10 پلەی سیلیزی
گەرمیان  : 16 پلەی سیلیزی

ب ح