مەودا میدیا-

شەوی رابردوو چەكدارانی رێكخراوی تیرۆرستی داعش هێرشیان كردە سەر حەشدی عەشایەر لە سنوری كەركوك و كوژراو برینداری لێكەوتەوە، سەرۆك هۆزە عەرەبەكانی كەركوكیش بڕیاری رووبەڕووبوونەوەی چەكدارانی داعشیاندا.

ماوەی چەند رۆژێكە بەشێوەی بەربڵاو چەكدارانی ئەو رێكخراوە تیرۆرستییە هێرشەكانیان بۆ سەر چەند پارێزگایەكی عیراق و كەركوك دەستپێكردووە و چەندین چەكداری حەشدی شەعبی و سوپایان كوشتووە و شەوی رابردووش هێرشیان كردوەتە سەر حەشدی شەعبی.

سەرۆك هۆزە عەرەبەكانی كەركوك لە بارەی هێرشەكانی داعش بانگەوازێكیان بڵاوكردووەتەوە و داوایان كردووە بۆ پاراستنی ناوچەكانیان هاوڵاتیان چەك هەڵبگرن و رووبەڕووی ئەو تیرۆستانە ببنەوە.