مەودا میدیا- سازگار ئەحمەد

بڕیارە رۆژی شەممەی داهاتوو هەردوو مەکتەبی سیاسی یەکێتیی نیشتیمانی کوردستان و پارتی دیموکراتی کوردستان لە لە بارەگای سەرەکی سەرۆکی هەرێم لە شاری هەولێر کۆببنەوە بەمەبەستی گفتوگۆکردن لەسەر چەند پرسێکی گرنگ.

سەرچاوەیەکی تایبەت لە مەکتەبی سیاسی یەکێتیی نیشتیمانیی کوردستان بە مەودا میدیای راگەیاند "لە کۆبوونەوەی رۆژی شەممەی نێوان هەردوو مەکتەبی سیاسی یەکێتی و پارتی گفتوگۆ دەکرێت لەسەر زینی وەرتێ و کێشەکانی نێوان ئەو ئەو دوو حزبە".

هەروەها ئاماژەی بەوەشکرد "هەر لە کۆبوونەوەکەدا پرسی لامەرکەزی سلێمانی و  نەبوونی مووچە و کێشەکانی نێوان هەرێم و بەغدا و دۆخی ئێستای هەرێمی کوردستان تاوتوێ دەکرێن".

ئەو سەرچاوەیە ئەوەشی ئاشکرا کرد "تاوەکو ئێستا سەرۆکی ئەو وەفدە دیاری نەکراوە کە بڕیارە رۆژی شەممە سەردانی هەولێر بکات و لەگەڵ پارتی کۆبێتەوە".