مەودا میدیا-

سەرۆكی ئەنجومەنی وەزیرانی عیراق بڕیاریدا پێش جەژن مووچەی مانگی پێنجی فەرمانبەرانی عیراق بەبێ بڕین دابەش بكرێت.

مستەفا كازمی، سەرۆكی ئەنجومەنی وەزیرانی عیراق لە كۆبوونەوەدا رایگەیاند "لە بەرژەوەندی فەرمانبەران و بە بۆنەی نزیكبوونەوەی جەژنی رەمەزانەوە دەست بە دابەشكردنی مووچەی مانگی پێنجی ساڵی 2020 دەكرێت".

هەروەها" بڕیاردراوە تا پێش جەژنی رەمەزان كە یەكشەممەی هەفتەی داهاتوو دەكات مووچەی سەرجەم فەرمانبەران بەبێ لێبڕین دابەش بكرێت".

ئەوەش لە كاتێكدایە كە حكومەتی هەرێمی كوردستان تائێستا مووچەی مانگی یەكی ئەمساڵی دابەش كردووە.