مەودا میدیا-

بەپێی هەواڵێكی سایتە ئێرانییەكان، شەڕو پێكدادان لە نێوان سوپای پاسداران و گروپێكی چەكدار كە ئەوان بە تیرۆرست ناویان هێناوە لە شاری مەریوانی رۆژهەڵاتی كوردستان روویداوە و بەهۆیەوە دوو لە چەكدارەكان كوژراون.

بەپێی هەواڵەكە، ئەو شەڕە لە سەربازگەیەك روویداوە و ئەوانەی هێرشیان كردوە هەشت كەس بوون، لە رووبەڕووبوونەوەكەدا دووان لە چەكدارەكان كوژراون و چواریشیان برینداربوون.

مەودا میدیا، پەیوەندی كرد بە حزبە كوردییەكانی رۆژهەڵاتی كوردستان، بەڵام لەو بارەوە هیچ زانیارییەكیان نەبوو لەسەر ئەو رووبەڕووبوونەوەیە.