مەودا میدیا-

دوای بڵاوبوونەوەی دەنگۆی تووشبوونی بەڕێوەبەری دەزگای تەندروستی پێشمەرگە و ژمارەیەك لە كارمەندەكانی،بەڕێوەبەری دەزگاكە دەڵێت "سێ لە كارمەندەكانی كارگوزاری تووشی ڤایرۆسەكە بوون و كەرەنتینە كراون و خۆم هیچ كێشەیەكم نییە".

شەماڵ جەبار یاوەر "بەڕێوەبەری گشتی دەزگای تەندروستی پێشمەرگە بە مەودا میدیای راگەیاند "ژمارەیەك لە كارمەندانی كارگوزار لە بەڕێوەبەرایەتی تەندروستی پێشمەرگە سەردانی پرسەیەكیان كردبوو و دوای ئەوەی گومانمان بۆ دروست بوو، پشكنینمان بۆ كردن".

هەروەها وتی "دوای ئەوەی پشكنینیمان بۆ كردن لە نەخۆشخانەی ئاسا و وەزارەتی تەندروستی، دەركەوت تووشی ڤایرۆسەكە بوون".

ناوبراو ئەو دەنگۆیانەشی ەتكردەوە كە گوایە باس لە تووشبوونی خۆی دەكرێت بە ڤایرۆسەكە و رایگەیاند "لە مەودا میدیاوە ئەو دەنگۆیان رەتدەكەمەوە و هیچ كێشەیەكم نییە و بەریەككەوتنیشم لەگەڵ تووشبووەكان نەبووە".