مەودا میدیا-

بەهۆی بڵاوبوونەوەی نەخۆشی ڤایرۆسی كۆرۆناو تووشبوونی ژمارەیەك هاوڵاتی لە شاری سلێمانی ئیدارەی هۆتێل گراند میلینیۆم بڕیاریدا بە داخستنی شوێنەكە.

لە راگەیەندراوێكدا هاتووە "بەهۆی زیادبوونی حاڵەتەكانی تووشبوون بە ڤایرۆسی كۆرۆنا لە شاری سلێمانی بڕیارماندا بە داخستنی هۆتێلەكە بۆ ماوەیەكی نادیار".

هەروەها "ئەركی سەرشانمانە پارێزگاری لە میوان و ستافی هۆتێلەكە بكەین".

لە ماوەی چەند رۆژی رابردوو ژمارەیەك حاڵەتی تووشبوون بە ڤایرۆسی كۆرۆنا لە هەرێمی كوردستان تۆماركراوە  وزۆرترین تووشبووش لە شاری سلێمانییە.