مەودا میدیا-

ئەمڕۆ پێنجشەممە، لە دادگای سلێمانی دوازدەيەمین دادگایی كەیسی سێوان قادر و سێ منداڵەكەی بەڕێوەدەچێت و مامی سێوانیش داوایەكی ئاراستەی هاوڵاتیان كرد.

شەفیق نوری، مامی سێوان قادر بە مەودا میدیای راگەیاند "ئەمڕۆ پێنجشەممە، دادگایی كەیسی سێوان قادر دوای ئەوەی لە ماوەی كەرەنتینە و داخستنی دەوامی دادگاكان راگیرابوو، بەڕێوەدەچێت".

ئاماژەی بەوەشكرد "دوازدەيەمین دادگاییە و لە دوای كاتژمێر 9ی سەر لە بەیانی بەڕێوەدەچێت، داوا دەكەین هاوڵاتیان و رێكخراوەكانی مافی ژنان بەشداری بكەن لەو دانیشتنە".

هەروەها وتی "بەشداریكردنی هاوڵاتیان رۆحی سێوان و سێ منداڵەكەی ئاسودە دەكات و وەك وەفایەك بۆیان".