مەودا میدیا-

حکومەتی هەرێمی کوردستان پشووەکانی رۆژانی جەژنی رەمەزانی راگەیاند و لە رۆژی یەکشەممە تاوەکو رۆژی پێنجشەممە پشووی فەرمی دەبێت لەسەرجەم دامودەزگا حکومییەکان.

جوتیار عادل، وتەبێژی حکومەتی هەرێمی کوردستان رایگەیاند "بە بۆنەی جه‌ژنی پیرۆزی رەمه‌زانه‌وە حکومەتی هەرێمی کوردستان پشووه‌كانی جه‌ژن رادەگەینێت کە له‌ رۆژی یه‌کشه‌ممه‌وه‌ 24ی ئایاری 2020 ده‌ستپێده‌كات و تا رۆژی پێنجشه‌ممه 28ی ئایاری 2020 به‌رده‌وام‌ ده‌بێت".

لە راگەیاندراوەکەشدا هاتووە "هاتنی جه‌ژنی پیرۆزی ره‌مه‌زان له‌ هاووڵاتییانی كوردستان پیرۆز بێت و هیوادارین له‌ رۆژانی جه‌ژندا، له‌ پێناو ته‌ندروستی هه‌موومان، پابه‌ندی رێنماییه‌كانی به‌ره‌نگاربوونه‌وه‌ی ڤایرۆسی كۆرۆنا بین".