مەودا میدیا-

گروپێکی چەکداری عەرەب کە پێشتر لە ناو رێکخراوی تیرۆرستی داعش بوون و ئێستا گەڕاونەتەوە هەڕەشە لە کوردەکانی جەلەولا دەکەن.

سەرچاوەیەکی ئاگادار لە جەلەولا کە نەیویست ناوی ئاشکرابێت بە مەودا میدیای راگەیاند "ژمارەیەک عەرەبی توندڕەوی دانیشتوی جەلەولا کە پێشتر هەموویان قاعیدەو لە ناو رێکخراوی تیرۆرستی داعش بوون، دەستیان کردووە بە هەڕەشەکردن لە کوردەکانی جەلەولا".

هەروەها وتی "ئەو چەکدارانە ئێستا لەژێر چەتری رێکخراوە سیاسییەکان کۆکراونەتەوەو دەستیان بە هەڕەشە کردووەو پێشتریش چەندین کاری تێکدەریان کردووە".

باسی لەوەشکرد "ئەو گروپە دژی ئەوەن پێشمەرگەو ئاسایش بگەڕێنەوە بۆ ناوچەی خانەقین و جەلەولا، لە کاتێکدا تەنها لە جەلەولا زیاتر کە 450 شەهیدمان داوە".