مەودا میدیا-

وەزارەتی كشتوكاڵ و سەرچاوەكانی ئاویەکان حکومەتی هەرێمی کوردستان رایدەگەیەنێت تەنها رۆژی یەكەمی جەژن دەرگای عەلوەكان داخراو دەبێت ئاماژە بەوەدەکات رۆژانی دووەم و سێیەمی جەژن دەرگای عەلوەکان کراوە دەبن.

ئەمڕۆ وەزارەتی كشتوكاڵ و سەرچاوەكانی ئاویەکانی حکومەتی هەرێمی کوردستان راگەیاندراوێکی بڵاوکردەوە و رایگەیاند "بە لەبەرچاو گرتنی وەرزی پێگەیشتنی بەرهەمی ناوخۆیی، دوای گفتوگۆكردنی بەڕێز وەزیری كشتوكاڵ و سەرچاوەكانی ئاو لەگەڵ بەڕێز وەزیری ناوخۆ تایبەت بە كردنەوەی دەرگای عەلوەكان(گۆڕەپانی سەوزەو میوە) لە رۆژانی جەژنی پیرۆزی رەمەزان".

 ئاماژەی بەوەشکرد "بە سوپاسەوە تەنها رۆژی یەكەمی جەژن دەرگای عەلوەكان داخراو دەبێت، بە پێچەوانەوە رۆژی دووەم و سێ یەمی جەژن سەرجەم عەلوەكان كراوە دەبن".