مەودا میدیا-

لیژنە هاوبەشەكانی قائیمقامیەتی سلێمانی لە ماوەی مانگی رەمەزاندا دەستیان بەسەر بڕێكی زۆر خواردەمەنی و مەوادی جوانكاری و پاككەرەوەدا گرتووە و لەناوبراون.

لەشكر حەمید، سەرۆكی لیژنە هاوبەشەكانی قائیمقامیەتی سلێمانی رایگەیاند "لە مانگی رەمەزانی پیرۆزدا لیژنەكانی قائیمقامیەت بە هاوكاری بەڕێوەبەرایەتی ئاسایشی سلێمانی دەستیان بەسەر زیاتر لە (141) تۆن خواردەمەنی و مەوادی جوانكاری و پاككەرەوەدا گرتووه".

ئاماژەی بەوەشکرد "بەهۆی خراپی و نەشاوی بۆ خواردن یان بەكارهێنانی لە ماوەی (24-4 بۆ 23-5) لیژنەكان دەستیان بەسەر (شیرەمەنی، سەوزەو میوە، مەوادی پاككەرەوە، چەرەسات ، شیرینی و خواردەمەنی لەقتونراو، دەرمانی زیاد و كەمكردنی كێش)دا گرتووە".

سەرۆكی لیژنە هاوبەشەكانی قائیمقامیەتی سلێمانی وتی "بەفەرمانی قائیمقامی سلێمانی و لەلایەن كەسانی شارەزا لە ناوچەی دەرەوەی نیشتەجێبون لەناوبراون‌".