مەودا میدیا-

وەزیری دەرەوەی ئەمه‌ریکا رایدەگەیەنێت رۆژی 4ی مانگی داهاتوو وەزیرانی دەرەوەی وڵاتانی ئەندام لە هاوپەیمانی نێودەوڵەتی دژی داعش لە رێگەی ڤیدیۆ کۆنفرانسه‌وه‌ کۆدەبنەوە ئاماژەی بەوەکردووە  لە کۆبوونەوەکدا گفتوگۆ لەبارەی تێکشکاندنی یەکجارەکی چەکدارانی رێکخراوی تیرۆرستی داعش لە عیراق و سوریا دەکرێت.

مایک پۆمپیۆ، وەزیری دەرەوەی ئەمریکا رایگەیاند "رۆژی 4ی مانگی داهاتوو وەزیرانی دەرەوەی وڵاتانی ئەندام لە هاوپەیمانی نێودەوڵەتی دژی داعش لە رێگەی ڤیدیۆ کۆنفرانسه‌وه‌ کۆدەبنەوە".

ئاماژەی بەوەشکردووە "لە کۆبوونەوەکدا گفتوگۆ لەبارەی هەنگاوەکانی داهاتوو بۆ تێکشکاندنی یەکجارەکی داعش لە عێراق و سووریا و گوشارەکانی شانە نووستووەکانی داعش لەو دوو وڵاتە دەکرێت".

ئەوەشی خستووەتەڕوو "لە تەوەرێکی دیکەی کۆبوونەوەکەدا كۆسپه‌كانی بەردەم کارەکانی هاوپەیمانی نێودەوڵەتی دژی داعش، كه‌ بەهۆی ڤایرۆسی کۆرۆنا ئاسته‌نگی زۆری خستووه‌ته‌ به‌رده‌م چالاكییه‌كانیان تاوتوێ دەکرێت".