مەودا میدیا-

شانەی قەیرانەكانی عیراق بڕیاریدا بۆ ماوەی یەك هەفتە قەدەغەی هاتووچۆی توند لە تەواوی شارەكانی عیراق جێبەجێ بكرێت و ئەو بڕیارەش هەرێمی كوردستان ناگرێتەوە.

بەپێی بڕیارێكی شانەی قەیرانەكان "هەرچەندە پێشتر داواكرابوو بۆ ماوەی دوو هەفتە قەدەغەی هاتووچۆی توند جێبەجێ بكرێت، ئەو پێشنیارە رەتكراوەتەوە و لە بەرانبەردا یەك هەفتە قەدەغەی هاتووچۆی سەرانسەری راگەیەندراوە".

هەروەها "بڕیارەكە لە رۆژی یەكشەممەوە دەچێتە بواری جێبەجێ كردنەوە و قەدەغەی هاتووچۆ بەشێوەی توند دەبێت و هەرێمی كوردستان ناگرێتەوە".

ماوەی چەند رۆژێك دەبێت ڤایرۆسی كۆرۆنا لە شارەكانی عیراق بەشێوەی چڕ تەشەنەی كردووە و رۆژانە بەپێی بڕیارەكانی وەزارەتی تەندروستی حكومەتی عیراق لە سەرو 200 كەسەوە تووشی ڤایرۆسەكە دەبن.