مەودا میدیا-

سەرۆکی مەجلیسی شوورای ئیسلامی ئێران، ئەمڕۆ یەكشەممە لە كاتی کۆبوونەوەی پەرلەمان رایگەیاند، دانوستان و گفتوگۆ لەگەڵ ئەمریكا هیچ سودی نییە.

محەمەد باقر، لە كاتی كۆبوونەوەكەدا وتی " دەسەڵاتی ئیسلامی لە ئاستی ستراتیژێک رۆژبەرۆژ بەهێزتر لە رابردوو درێژە دەداتە کاری خۆی بە شێوەیەک کە ئەمرۆ وەکوو دەسەڵاتێکی گرنگی ناوچەیی، بووەتە ئەکتەرێکی کاریگەر لە ئاستی نێودەوڵەتی".

باسی لەوەشكرد "مەجلیسی یازدەهەم یەکێک لە سەرەکیترین و ستراتیژیترین ئامانجەکانی دوژمنی لەگەڵ ئەمریکایە، دانوستان و سازان لەگەڵ ئەمریکا کارێکی بێ ئاکامە".

ئەوەشی خستەڕوو "ستراتیژی ئێمە لە بەرەوڕوو بوونەوەی ئەمریکای تیرۆریست تەواو کردنەی زنجیرەی تۆڵەی خوێنی شەهید سولەیمانییە".