مەودا میدیا-

وەزارەتی بەرگری توركیا رایگەیاند، هێزێكی كۆماندۆی توركیا بە پشتیوانی تانك و فڕۆكە چوەتە ناو خاكی هەرێمی كوردستان.

لە راگەیەندرواێكی وەزارەتی بەرگری توركیا هاتووە "هێزی كۆماندۆی توركیا دژ بە چەكدارانی پارتی كرێكارانی كوردستان بە پاڵپشتی تانك و فڕۆكە و فڕۆكەی بێ فڕۆكەوان رەوانەی حەفتەنین كردووە لە هەرێمی كوردستان".

لە ماوەی رابردوو فڕۆكەكانی توركیا بە چڕی دەستیان بە بۆردومانی سنورەكانی هەرێمی كوردستان لە دهۆك و هەولێر دژی چەكدارانی پارتی كرێكارانی كوردستان پەكەكە كردووە.