مەودا میدیا-

بەڕێوەبەری نەخۆشخانەی هیوا  راگەیاندووە، سێ پزیشک و نۆ کارمەندی تەندروستییان تووشی ڤایرۆسی کۆرۆنا بوون و باس لەوەش دەکات نەخۆشخانەکە داناخرێت.

د. دۆستی نەجات، بەڕێوەبەری نەخۆشخانەی هیوا دەڵێت "ئەو پزیشک و کارمەندانە لە نەخۆشەکانی نەخۆشخانەکەیان ڤایرۆسەکەیان بۆ گوازراوەتەوە و هەموو تووشبووەکان گەنجن و زۆربەیان ئافرەتن، ئێستا کەرەنتین کراون".

 دەشڵێت "رۆژانە پشکنین بۆ ئەو کەسانە دەکرێت کە بەرکەوتنیان لەگەڵیان هەبووە هەرکەسێک گومانی تووشبوونی لێبکرێت، پشکنینی بۆ دەکرێت" و باسی لەوەشکردووە "لە رێگەی سێ تیمەوە بە بەردەوامی کاردەکەن و نەخۆشخانەکە داناخەن".