مەودا میدیا-

وته‌بێژی وه‌زاره‌تی ته‌ندروستی ئێران دواین ئامارەکانی تووشبووانی کۆرۆنای لەو وڵاتە راگەیاند، بەپێی ئامارەکە تا ئێستا 200 هه‌زار و 262 كه‌س له‌ئێران تووشی كۆرۆنا بوون.

كیانووش جیهانپوور، وته‌بێژی وه‌زاره‌تی ته‌ندروستی ئێران ڕایگه‌یاند "له ماوەی‌ 24 کاتژمێری رابردوودا له‌ ئێران 120 كه‌س به‌ ڤایرۆسی كۆرۆنا گیانیان له‌ده‌ستداوه‌ و هه‌زار و 2615 كه‌سی دیكه‌ش تووشی كۆرۆنا بوون".

ئاماژەی بەوەشکردووە‌ "تا ئێستا 9هه‌زار و 392 كه‌س به‌هۆی كۆرۆناوه‌ له‌ ئێران گیانیان لەدەستداوە، هەروەها 200 هه‌زار و 262 كه‌سیش تووشی ڤایرۆسەکە بوون, هەروەها زیاتر لە 100 هەزار کەسیش چاکبوونەتەوە".