مەودا میدیا- سازگار ئەحمەد

بەڕێوەبەری ئەزمونەکان لە وەزارەتی پەروەردەی حکومەتی هەرێمی کوردستان رایدەگەیەنێت تاوەکو ئێستا هیچ بڕیارێک نییە بۆ گۆڕینی وادەی تاقیکردنەوەی کۆتایی پۆلی 12 ئامادەیی.

هەردی مەعروف، بەڕێوەبەری ئەزمونەکان لە وەزارەتی پەروەردەی حکومەتی هەرێمی کوردستان بە مەودا میدیای راگەیاند "تاوەکو ئێستا هیچ بڕیارێک نییە بۆ گۆڕینی وادەی تاقیکردنەوەی کۆتایی پۆلی 12 ئامادەیی، کە بڕیارە 11ی تەموزی 2020 بەڕێوەبچێت".

ئاماژەی بەوەشکرد "تاقیکردنەوەکان بەپێی رێنماییە تەندروستییەکان ئەنجام دەدرێت بەمەبەستی رێگریکردن لە بڵاوبوونەوەی ڤایرۆسی کۆرۆنا".