مەودا میدیا-

وەزارەتی خوێندنی باڵای عیراق  بڕیاریدا ساڵی نوێی خوێندنی زانکۆ و پەیمانگەکان بۆ ساڵی داهاتوو لە 6-12-2020 دەستپێدەکات و لە 22-07-2021 کۆتایی بە خوێندنی ئەو ساڵە دێت.

لە راگەیێنراوێکی وەزارەتی خوێندنی باڵای عیراق کە بڵاویکردووەتەوە رایگەیاندووە "وەرزی یەکەمی خوێندنی زانکۆ و پەیمانگەکان بۆ ساڵی خوێندنی 2020 - 2021 لە رۆژی 6-12-2020 دەستپێدەکات و لە 18-03-2021 کۆتایی دێت، هەروەها وەرزی دووەمی خوێندن لە 11-04-2020 دەستپێدەکات و لە 22-07-2021 کۆتایی دێت".
 

ئاماژە بەوەشکراوە "بە لەبەرچاوگرتنی ئەو بارودۆخە تەندروستییەی کە بەهۆی کۆرۆناوە لە عیراق دروستبووە کارکردن بە سیستەمی ئەلیکترۆنی بەردەوام دەبێت و هەموو بەشەکان دەگرێتەوە، جگە لە بەشە پزیشکییەکان و ئەندازیارییەکان و بەشە پراکتیکییەکان".