مەودا میدیا-

رێبەری باڵای شۆڕشی ئیسلامی ئێران رایگەیاند، دوژمنانی ئێران بە تایبەت ئەمەریكای دزێو هەموو توانای خۆیان خستوەتەگەڕ بۆ ئەوەی چۆك بە ئێران دابدەن، بەڵام ئێران زیاتر پێویستی بە یەكڕیزی هەیە.

ئایەتوڵا عەلی خامنەیی، لە كۆبوونەوەیەكی ئۆنلاین لەگەڵ شورای مەجلیسی ئێران رایگەیاند "ئەو موجلیسەی ئێستا، واتە پەرلەمانی نوێی ئێران، هیوای خەڵكی ئێرانە، دڵنیاین دەتوانرێت هەموو كێشەكانی ئێران چارەسەر بكات".

باسی لەوەشكرد "هەموو دوژمنانی ئێران، بە تایبەتی ئەمەریكای دزێو، كار بۆ ئەوە دەكەن ئێران بە چۆكدا بدەن، بەڵام سەرەڕای بۆچونی جیاواز لە ناو ئێران، ئێمە پێویستمان بە یەكڕیزی و یەك دەنگی هەیە".