مەودا میدیا-

د. ماکۆک محەمەد، پزیشکی نەخۆشی و نەشتەرگەری چاو باس لەو کەسانە دەکات چاویان ئازاری هەیە بە چوونە بەر تیشکی خۆر و دەڵیت لە هەندێ کات و شوێن ئەگەری هەیە تیشکی خۆر زیان بە چاو بگەیەنێت.

لەم کات و شوێنانەدا ئەگەری هەیە تیشکی خۆر زیان بە چاو بگەیەنێت:
یەکەم: ئەو کەسانەدا پێستیان ناسک و تەنکە و رەنگی چاویان کاڵ و شینە.
دووەم: لە شوێنی فراواندا وەکو بیابان و دەریاکان، چونکە تیشکدانەوە زۆرترە لەو شوێنانەدا.
سێیەم: هەندێک وڵات و ناوچە کاریگەری تیشکی سەروو وەنەوشەیی تێیاندا زۆرترە وەکو ناوچەکانی نزیکی هێڵی کەمەرەیی زەوی.
چوارەم: هەتا شوێنەکە بەرزتر بێت کاریگەری تیشکی خۆر زۆرتر دەبێت.
پێنجەم: هەتا کاتی مانەوە لە دەرەوە زۆرتر بێت کاریگەری تیشکی سەروو وەنەوشەیی زۆرتر دەبێت لە سەر چاو.
ک.ر