مه‌ودا میدیا-

حه‌سه‌ن نه‌سروڵڵا ئه‌مینداری گشتی حیزبوڵڵای لوبنان، هه‌ڕه‌شه‌ی تۆڵه‌سه‌ندنه‌وه‌ له‌ ئه‌مریكا ده‌كات و ده‌ڵێت: ده‌بێت ئه‌مریكا باجی كوشتنی قاسمی سوله‌یمانی و مه‌هدی موهه‌ندیس بدات و تۆڵه‌ی خوێنی ئه‌و دوو سه‌ركرده‌یه‌ ده‌سه‌نین.

نه‌سروڵڵا له‌وتارێكدا رایگه‌یاند، بنكه‌سه‌ربازییه‌كانی ئه‌مریكا و بكوژانی ئه‌و دوو سه‌ركرده‌یه‌ ده‌بێت باجی ئه‌و تاوانه‌یان بده‌ن.

ئه‌مینداری گشتی حیزبوڵڵای لوبنان وتی: پێڵاوه‌كانی قاسم سوله‌یمانی یه‌كسانه‌ به‌ سه‌ری دۆناڵد تره‌مپ، هیچ كه‌سێك هاوتای سوله‌یمانی و موهه‌ندیس نیه‌، به‌كۆتایی هێنان به‌بوونی ئه‌مریكا له‌ناوچه‌كه‌، تۆڵه‌ی خوێنه‌كه‌یان ده‌سه‌نین.