مەودا میدیا-

بەڕێوەبەرایەتیی هاتوچۆی سلێمانی ئاگاداری شۆفێران دەکاتەوە کە سایدی رۆیشتن له‌بازگه‌ی تاسڵوجه‌وه‌ بۆ ناو تاسڵوجه‌ و رێگه‌ی نێوان سلێمانی-دوكان، واته‌ له‌سه‌ر پرده‌كه‌وه‌ به‌ربه‌ستكراوه بەهۆی کارکردنی تیمەکانی شارەوانی لە شەقامەکەدا.

لە راگەیەندراوێکدا بەڕێوەبەرایەتی هاتوچۆی سلێمانی رایگەیاند "شۆفێران ئاگادار دەکەینەوە سایدی رۆیشتن له‌بازگه‌ی تاسڵوجه‌وه‌ بۆ ناو تاسڵوجه‌ و رێگه‌ی نێوان سلێمانی-دوكان، واته‌ له‌سه‌ر پرده‌كه‌وه‌ به‌ربه‌ستكراوه‌، له‌ئێستادا تیمه‌كانی شاره‌وانی كاری تێدا ده‌كه‌ن".

ئاماژە بەوەشکراوە "به‌هه‌مان شێوه‌ سایدی له‌سلێمانییه‌وه‌ رۆیشتن بۆ تاسڵوجه‌ به ‌ته‌نیشتی پرده‌كه‌دا به‌ربه‌ستكراوه‌ و تیمه‌كانی شاره‌وانی كاری تێدا ده‌كه‌ن".

هاتوچۆی سلێمانی داوا له‌ شۆفێران ده‌كات، وه‌ك رێگه‌ی جێگره‌وه‌ و هاتوچۆكردنیان بۆ تاسڵوجه‌ یاخود قه‌زای دوكان، رێگه‌ی ناو ماڵه‌كانی تاسڵوجه‌ به‌كاربهێنن.

س.س