مەودا میدیا-

وەزارەتی تەندروستی حكومەتی عیراق رایدەگەیەنێت، لە ماوەی 24 كاتژمێری رابردوو لە شارەكانی عیراق و  هەرێمی كوردستان زیاتر لە دوو هەزارو  550 هاوڵاتی تووشی كۆرۆنا بوون و هەزار و 927 كەسیش چاكبوونەتەوە.

لە راگەیەندراوێكی ئەو وەزارەتە هاتووە " لە 24 كاتژمێری رابردوو پشكنین بۆ 17 هەزار و 141 كەس كراوەو دەركەوتووە دوو هەزار و 553 كەس تووشی نەخۆشیەكە بوون و لەو ماوەیەشدا هەزار و 927 كەس چاكبوونەتەوە".

لە بەغدا و سلێمانی و كەربەلا و كەركوك و بەسرە و بابل و موسەنا و سەلاحەدین زۆرترین تووشبووی كۆرۆنا تۆماركراوە لەو 24 كاتژمێرەی رابردوو و 96 كەسیش گیانیان لە دەستداوە.

كۆی گشتی تووشبووانی كۆرۆنا بۆ 112 هەزار و 585 كەس بەرزبووەوە و ئەوانەشی تا ئێستا چاكبوونەتەوە گەیشتونەتە 77 هەزار و 144 كەس و تا ئێستاش چوار هەزار و 458 كەس مردوون.

ه،ع