مەودا میدیا-

كۆماری ئیسلامی ئێران بڕیاری دا به‌ هۆی قه‌ره‌باڵغی مه‌راسیمی به‌خاكسپاردن و درووستبوونی پاڵه‌ په‌ستۆ و گیانیان له‌ده‌ستدان و بریندار بوون, به‌خاكسپاردنی ته‌رمی قاسمی سوله‌یمانی بۆ ماوه‌یه‌كی كاتی دوابخرێت.

ئه‌مڕۆ به‌ به‌شداری ده‌یان هه‌زار كه‌س  بڕیار بوو ته‌رمی قاسم سوله‌یمانی له‌ شاری كرمان به‌ خاك بسپێردرێت، بەڵام دواخرا بۆ رۆژێکی تر.

به‌ هۆی قه‌ره‌باڵغی مه‌راسیمی به‌خاكسپاردن و درووستبوونی پاڵه‌په‌ستۆ (35) كه‌س كه‌وتنه‌ ژێر پێ و به‌و هۆیه‌وه‌ گیانیان له‌ده‌ستدا و (48) كه‌سی دیكه‌ بریندار بوون.

به‌ هۆی درووستبوونی ئه‌و حاڵه‌ته‌وه‌، بڕیاردرا به‌خاكسپاردنی ته‌رمی قاسم سوله‌یمانی بۆ ماوه‌یه‌كی كاتی دوابخرێت.