مەودا میدیا-

بانکی ناوەندی عیراق ئامادەیی خۆی پیشاندا بۆ خستنە بازاڕی بڕێکی زۆر لە دۆلار بەمەبەستی جێگیرکردنی نرخی دۆلار بەرانبەر بە دینار.

بانكی ناوه‌ندی عیراق لە راگەیاندراوێکدا بڵاویکردەوە "به‌رزبوونه‌وه‌ی نرخی دۆلار به‌رامبه‌ر به‌ دینار كاتییه په‌یوه‌ندیی به‌ لێدوانی سیاسییه‌كانه‌وه‌ هه‌یه‌".

ئاماژەی بەوەشکرد‌ووە "ئاماده‌ییه‌ بڕێكی زۆری دۆلار بخاته‌ بازاڕه‌وه‌ بۆ جێگیركردنی نرخی دینار".

جێگای ئاماژەیە لەدوای ئەوەی پەرلەمانی عیراق بڕیاریدا لەسەر پڕۆژە یاسای دەرکردنی هێزە بیانییەکان لە عیراق دۆناڵد ترەمپ، سەرۆکی ئەمریکا هەڕەشەی سەپاندنی سزایدا بەسەر عیراقدا، ئەمەش کاریگەری دروست کرد لەسەر نرخی دۆلار بەرانبەر بە دینار لە بازاڕەکاندا نرخی دۆلار بەرز بووەوە.