ئابووری
وەزارەتی كشتوكاڵ گرێبەستی لەگەڵ دوو كۆمپانیا بۆ كڕینی گەنمی جوتیاران واژۆ كرد
مەودا میدیا - سلێمانی |
مەودا میدیا- سەركۆ جەمال
وەزارەتی كشتوكاڵ و سەرچاوەكانی ئاو لەگەڵ دوو كۆمپانیا گرێبەستێكیان بۆ كڕینی گەنمی جوتیاران واژۆكرد، كە بڕیارە لە ناوخۆدا بەكاربهێنرێت و ئەو بەرهەمانەی لە ناوخۆ بەرهەم دەهێنرێت، هاوردەكردنیان قەدەغە بكرێت.
حسێن حەمەكەریم، وتەبێژی وەزارەتی كشتوكاڵی حكومەتی هەرێم بە مەودا میدیای راگەیاند "ئەمڕۆ لە شاری هەولێر بە ئامادەبوونی دوو كۆمپانیا و نوێنەری دەستەی وەبەرهێنان و وەزیری كشتوكاڵ، گرێبەستی كڕینەوەی بەرهەمەی تەواوی گەنمی جووتیارانی هەرێمی كوردستان بۆ دوو كۆمپانیاكە واژۆ كرا".
هەر لەوبارەیەوە، بێگەرد تاڵەبانی، وەزیری كشتوكاڵ و سەرچاوەكانی ئاو لە كۆنگرەیەكی رۆژنامەوانیدا رایگەیاند "پرۆژەی بەبازاڕكردنی گەنمی جووتیاران پڕۆژەیەكی ستراتیژییە، لە قۆناغی یەكەمدا 500 هەزار تۆن گەنمی جووتیاران لەلایەن كەرتی تایبەت دەكڕین و بەسەرپەرشتی وەزارەتی كشتوكاڵ و سەرچاوەكانی ئاو، ئەو گەنمە بۆ ماوەی ساڵێك بۆ دروستكردنی ئارد بە هەموو جۆر و پلەكانی، ساوەر، بڕووێش، گەنمەكوتاو.. بەكاردەهێنرێت، هەروەها هەموو ئەو بەرهەمانە قەدەغە دەكرێت لە دەرەوە هاوردە بكرێن".
وەزیری كشتوكاڵ وتیشی "سەرمایەی پڕۆژەكە سەدان ملیۆن دۆلارە و هەزاران هەلی كار دەڕەخسێنێت، پشكی سەرەكی هەلی كارەكان بۆ دەرچووانی بەشەكانی كشتوكاڵییە، هەروەها ئاشی تایبەت دادەمەزرێت و بۆ ئاردی سفر و لە كیسنانی بەرهەمەكانی گەنم بۆ بازاڕەكان، نرخی بەرهەمەكان لەلایەن حكومەتەوە دیاری دەكرێت و حكومەت خۆی زەوی دابین دەكات، لەگەڵ بنەتۆ و نرخی كڕینەوەی گەنم دیاری دەكات و چاودێری كۆی پرۆسەكە دەكات، هەروەها ناوەڕۆكی ئەو پڕۆژەیە بەپێی یاسای وەبەرهێنان دەبێت".
وەزارەتی كشتوكاڵ و سەرچاوەكانی ئاو لەگەڵ دوو كۆمپانیا گرێبەستێكیان بۆ كڕینی گەنمی جوتیاران واژۆكرد، كە بڕیارە لە ناوخۆدا بەكاربهێنرێت و ئەو بەرهەمانەی لە ناوخۆ بەرهەم دەهێنرێت، هاوردەكردنیان قەدەغە بكرێت.
حسێن حەمەكەریم، وتەبێژی وەزارەتی كشتوكاڵی حكومەتی هەرێم بە مەودا میدیای راگەیاند "ئەمڕۆ لە شاری هەولێر بە ئامادەبوونی دوو كۆمپانیا و نوێنەری دەستەی وەبەرهێنان و وەزیری كشتوكاڵ، گرێبەستی كڕینەوەی بەرهەمەی تەواوی گەنمی جووتیارانی هەرێمی كوردستان بۆ دوو كۆمپانیاكە واژۆ كرا".
هەر لەوبارەیەوە، بێگەرد تاڵەبانی، وەزیری كشتوكاڵ و سەرچاوەكانی ئاو لە كۆنگرەیەكی رۆژنامەوانیدا رایگەیاند "پرۆژەی بەبازاڕكردنی گەنمی جووتیاران پڕۆژەیەكی ستراتیژییە، لە قۆناغی یەكەمدا 500 هەزار تۆن گەنمی جووتیاران لەلایەن كەرتی تایبەت دەكڕین و بەسەرپەرشتی وەزارەتی كشتوكاڵ و سەرچاوەكانی ئاو، ئەو گەنمە بۆ ماوەی ساڵێك بۆ دروستكردنی ئارد بە هەموو جۆر و پلەكانی، ساوەر، بڕووێش، گەنمەكوتاو.. بەكاردەهێنرێت، هەروەها هەموو ئەو بەرهەمانە قەدەغە دەكرێت لە دەرەوە هاوردە بكرێن".
وەزیری كشتوكاڵ وتیشی "سەرمایەی پڕۆژەكە سەدان ملیۆن دۆلارە و هەزاران هەلی كار دەڕەخسێنێت، پشكی سەرەكی هەلی كارەكان بۆ دەرچووانی بەشەكانی كشتوكاڵییە، هەروەها ئاشی تایبەت دادەمەزرێت و بۆ ئاردی سفر و لە كیسنانی بەرهەمەكانی گەنم بۆ بازاڕەكان، نرخی بەرهەمەكان لەلایەن حكومەتەوە دیاری دەكرێت و حكومەت خۆی زەوی دابین دەكات، لەگەڵ بنەتۆ و نرخی كڕینەوەی گەنم دیاری دەكات و چاودێری كۆی پرۆسەكە دەكات، هەروەها ناوەڕۆكی ئەو پڕۆژەیە بەپێی یاسای وەبەرهێنان دەبێت".
بیروڕا
