مەودا میدیا- سازگار ئەحمەد

لە قەزای داقوق بۆمبێکی چێندراو تەقییەوە و کوژراو و برینداری لێکەوتەوە.

ئیدریس حاجی عادل، جێگری لێپرسراوی مەڵبەندی دووی کەرکوکی یەکێتیی نیشتیمانیی کوردستان بە مەودا میدیای راگەیاند "لە نزیک گوندی سماقی لە قەزای داقوق بەیانی ئەمرۆ کاتژمێر 7:00 بۆمبێکی چێندراو بە کاروانی ئۆتۆمبێلەکانی عەقید روکن مازن عەبود جەواد، فەرماندەی لیوای  45ی فیرقەی 11ی هێزەکانی عیراقدا تەقییەوە".

ئاماژەی بەوەشکرد "بەهۆی تەقینەوەکەوە فەرماندەیەک و دوو سەربازی برینداربوون و یەکێک لە سەربازەکانیش کوژراوە".