مەودا میدیا- سەركۆ جەمال

ئیسماعیل قائانی، بەرپرسی فەیلەقی قودسی سوپای پاسداران بە سەردانێكی نهێنی گەیشتە عیراق و لەگەڵ مستەفا كازمی سەرۆك وەزیرانی عیراق كۆبووەوە.

عیزەت شابەندەر، كەسایەتی سیاسی عیراق ئاشكرایكردووە "شەوی رابردوو ئیسماعیل قائانی لەگەڵ مستەفا كازمی سەرۆك وەزیران كوبووەتەوە و نامەیەكی نەرمی بە گوێی كازمی داوە".

شابەندەر وتیشی "كۆبونەوەكە لە كاتێكدا بووە كە هێرشە موشەكیەكان بۆسەر ناوچەی سەوز و بنكەو بارەگاكانی ئەمەریكا بەردەوامییان هەیە".
بڕیارە ڕۆژی 20ی ئەم مانگە مستەفا كازمی سەرۆك وەزیرانی عیراق بە سەردانێك بگاتە ئەمەریكا و لەگەڵ بەرپرسانی باڵای ئەو وڵاتە كۆببێتەوە.