مەودا میدیا-

لێكۆڵینەوەیەكی نوێ دەریخستووە پیاوان زیاتر ئامادەی بەركەوتنن بە پەتای ڤایرۆسی كۆرۆنا و زیاتریش لە ژنان بەهۆی كۆرۆناوە دەمرن، ئەویش بەهۆی لاوازی بەرگریی لای پیاوان.

لێكۆڵەرەوان لە لێكۆڵینەوەكەیاندا گەیشتوون بەوەی نەخۆشانی پیاو لاوازن لە بەرهەمهێنانی خانەی بەرگری، بەڵام میكانیزمی بەرگری لای ژنان دژی نەخۆشییەكە زیاتر چالاكە تەنانەت ئەگەر پیریش ببێت، دانابەزێت، بەڵام لای پیاوان بە پێچەوانەوەیە.

دكتۆر ئەكیكۆ ئیواساكی، پسپۆڕی هەناوی لە زانكۆی ییل دەڵێت "ئێستا بۆمان روونبووەتەوە بەرگریی دژی نەخۆشیی كۆرۆنا لەنێوان و پیاوان و ژناندا جیاوازیی زۆرە، ئەو جیاوازییەش وایكردووە پیاوان زیاتر تووشببن بە كۆرۆنا و زیاتر بەهۆی كۆرۆناوە مردوون".

لە بەریتانیا لێكۆڵەرەوان لێكۆڵینەوەیەكیان كردووە لەسەر 17 ملیۆن كەسی باڵغ و دەركەوتووە پیاوان زیاتر بەهۆی نەخۆشیی كۆرۆناوە دەمرن بەراورد بە ژنان.

خ.غ