مەودا میدیا- سەركۆ جەمال

رێكخراوی تەندروستی جیهانی رایدەگەیەنێت، ڤایرۆسی كۆرۆنا كاریگەی نەرێنی كردۆتە سەر لایەنی دەروونی هەزاران توشبوو لەسەرانسەری جیهاندا، باس لەوەشدەكات نزیكەی یەك ملیار كەس لە جیهان بەدەست ناڕێكی دەروونییەوە ئازار دەچێژن.

تێدرۆس ئەدهانۆم، سەرۆكی رێكخراوی تەندروستی لە كۆنگرەیەكی رۆژنامەوانیدا لە جنێف رایگەیاند  " كۆڤید-١٩ كاریگەری نەرێنی وەك (نیگەرانی، رارایی، دو دڵی و ترس)ی لەسەر هەزاران توشبوو لە جیهاندا دروستكردووە".

وتیشی "نزیكەی یەك ملیار كەس لە جیهاندا بەدەست ناڕێكی دەروونیەوە ئازار دەچێژن، لەگەڵ ئەوەشدا چاودێری پزیشكی بۆ كەمینەیەكی ژمارەی دانیشتوان بەردەستە".