مەودا میدیا- سەركۆ جەمال

مارك زوكەر بێرگی تەمەن 36 ساڵ،  توانی سەركەوتوو بێت لە دامەزراندنی گەورەترین تۆڕی كۆمەڵایەتی لە جیهاندا ئەویش " فەیس بووك" ە، ئێستا زۆركەس ئارەزوو دەكەن لەبارەی ژیانی تایبەتی مارك شت بزانن.

لەگەڵ ئەوەی‌ چەندین فیلم لەسەر ژیانی دروستكراوە ، بەڵام چەند نهێنیەك هەیە لەسەر ژیانی كە رەنگە زۆر كەس زانیاریان لەسەری نەبێت و پێگەی‌ "تایمز نیوز ناو" پێنج گرنگترین زانیاری لەسەر ژیانی مارك خستووەتەڕوو.

1-بچوكترین ملیاردێری جیهانە

یەكێكە لە پیاوە دەوڵەمەندەكانی جیهان و ناوی لە لیستی "فۆربس" دا هەیە بۆ 10دەوڵەمەنترین كەسەكانی جیهان كە تەمەنی خوار 50 ساڵە.

2-نهێنی رەنگی شین:

مارك لەبەر ئەوەی‌ گرفتی رەنگ كوێری هەیە ناتوانێت رەنگی سوور و سەوز ببینێت و تاكە رەنگ كە دەتوانێت كۆنتڕۆڵی بكات رەنگی شینە لەبەر ئەوەیە كە فەیسبووكی بە رەنگی شین دروستكردووە.

3-لە تەمەنی منداڵیەوە داهێنەر بووە:

لە تەمەنی 12 ساڵیدا تۆڕێكی پەیوەندی بەناوی  " زۆرك نێت" دروستكردووە بۆ ئەوەی‌ هاوكاری باوكی بكات لە كاری پزیشكی دداندا.

4-شەش زمان دەزانێت:

لەرووی رۆشنبیریەوە توانای خوێندەوە و نوسین و قسەكردنی هەیە بە شەش زمانی " ئینگلیزی و فەرەنسی و لاتینی و یۆنانی كۆن و ماندرین و عیبری.

5-بابەتە گرنگەكانی ژیانی مارك:
یەكەم بابەتی گرنگی ژیانی مارك فەیسبووكە و دواتر ئاژەڵی ماڵییە.