مەودا میدیا-

درەنگانی شەوی رابردوو چەکدارانی رێکخراوی تیرۆرستی داعش لە پارێزگای ئەنبار هێرشێکی فراوانییان کردووەتە سەر بارەگایەکی فەوجی پاسەوانی سنوور، لە ئەنجامدا ژمارەیەک پۆلیس کوژران و برینداربوون.

بەپێی چەند سەرچاوەیەکی ئەمنی میدیاکانی عیراق بڵاویانکردووەتەوە، شەوی رابردوو چەکدارانی داعش هێرشێکی فراوانیان کردووه‌تە سەر بارەگایەکی فەوجی یەکی پاسەوانی سنوور لە ناوچەی مەکر نەعام لە نزیک سنووی سعودیە و لە ئەنجامدا ئەفسەرێک و پۆلیسێک کوژران و سێی دیکەش بریندار بوون.

هەر بەپێی ئەو زانیاریانەی دراوە بە میدیاکان، لە چەند گەڕەکێکی بەشی کەرخی شاری بەغدا دەنگی چەند تەقینەوەیەک بیستراوە، بەڵام تاوەکو ئێستا زیانەکانی ئاشکرا نەکراون.

س.س